ԱՄՆ նախագահ Դոնալդ Թրամփի կողմից Գրենլանդիայի նկատմամբ հավակնությունների ֆոնին, Կանադայի իշխանությունները մշակել են զորքերի փոքր կոնտինգենտ կղզի ուղարկելու ծրագրեր՝ ՆԱՏՕ-ի այլ անդամների հետ զորավարժություններ անցկացնելու համար, հաղորդում է The Globe and Mail-ը՝ հղում անելով երկու բարձրաստիճան պաշտոնյաների։
«Կանադացի զինվորների փոքր խումբ կարող է այս շաբաթ մեկնել Գրենլանդիա՝ Դանիայի գլխավորությամբ ՆԱՏՕ-ի զորավարժությունների շրջանակներում, եթե վարչապետ Մարկ Քարնին հաստատի ծրագիրը», -գրում է հրատարակությունը։Աղբյուրները նշել են, որ իրենք տեղեկություններ չունեն այն մասին, թե երբ կարող է Քարնին նման որոշում կայացնել։ Այնուամենայնիվ, նրանք կարծում են, որ քայլը անխուսափելի է։
Շվեդիան, Նիդեռլանդները, Նորվեգիան, Ֆրանսիան, Մեծ Բրիտանիան, Գերմանիան և Ֆինլանդիան արդեն հայտարարել են, որ զորքեր կուղարկեն Գրենլանդիա։
