ՄԻՊ-ն ու Սյունիքի մարզպետը քննարկել են սահմանային բնակավայրերում մարդկանց անվտանգային հարցեր

24.05 17:03 | Կատեգորիա Քաղաքական

Մարդու իրավունքների պաշտպանի աշխատանքային այցը Սյունիքի մարզ շարունակվում է: Անահիտ Մանասյանը մայիսի 24-ին հանդիպել է Սյունիքի մարզպետ Ռոբերտ Ղուկասյանի հետ, քննարկվել են մարդու իրավունքների պաշտպանության ոլորտում առկա օրակարգային տարբեր խնդիրներ, մասնավորապես` սահմանային բնակավայրերում մարդկանց անվտանգային մի շարք հարցեր` կապված սեփականության իրավունքի, կրթության, ինչպես նաև այլ հիմնարար իրավունքների հետ: Այս մասին տեղեկացնում են ՄԻՊ աշխատակազմից: Համատեղ քննարկվել են նաև քաղաքացիների կողմից բարձրացված անհատական բողոքները: Մարդու իրավունքների պաշտպանը հատուկ ընդգծել է, որ պետության անվտանգության երաշխավորման հետ մեկտեղ պետք է առաջնային լինեն մարդու իրավունքների նկատմամբ հարգանքի երաշխավորումն ու մարդու իրավունքների գերակայության հիմնարար սկզբունքը։ Անահիտ Մանասյանն իր հանձնառությունն է հայտնել քննարկված հարցերը մանդատի շրջանակում լուծելու տեսանկյունից: Այնուհետև, Անահիտ Մանասյանը մարզպետ Ռոբերտ Ղուկասյանի և ԱԺ պատգամավոր Մարինե Ղազարյանի հետ այցելել է սահմանամերձ Սյունիքի և Աճանանի միջնակարգ դպրոցներ` մասնակցելու Վերջին զանգի արարողությանը: Շնորհավորելով շրջանավարտներին՝ Պաշտպանն իր ելույթում մաղթել է նրանց երբեք չընկճվել, անընդհատ կրթվել, սիրով վերաբերվել իրենց շրջապատող միջավայրին: «Կյանքում բազմաթիվ մարտահրավերների կարող եք բախվել, երբեք չընկճվեք, ընկալեք դրանք որպես հնարավորություն և ձեզ շրջապատող միջավայրին վերաբերվեք սիրով: Հիշեք նաև, որ գիտելիքն է այն մեծ հարստությունը, որն անհնար է կորցնել։ Վստահ եղեք` այս ամենի գիտակցումը ձեզ համար հաջողության նոր դռներ կբացի: Ես սա ասում եմ նաև իմ օրինակով: Թերևս սա է իմ մաղթանքը ձեզ: Ուզում եմ նաև իմ հանձնառությունը հայտնել իմ մանդատի շրջանակում ցանկացած հարցում ձեզ աջակից լինելու»,- Անահիտ Մանասյան: Անահիտ Մանասյանը հանդիպել է նաև 2 դպրոցների տնօրինության և ուսուցչական անձնակազմի հետ, շրջայց կատարել դպրոցներում, քննարկել երեխաների իրավունքների պաշտպանությանը վերաբերելի մի շարք հարցեր: Պաշտպանը շրջանավարտներին է հանձնել նաև խորհրդանշական հուշանվերներ:

Ամենաշատ կարդացվածներ

Այսօրվա դատավարության կադրերը (լուսանկարներ)

27.01 22:59 | Կատեգորիա Քաղաքական

Հետաքրքիր է, մինչև հիմա ո՞նց էինք յոլա գնում առանց խոսույթի․ Լևոն Ջավախյան

28.01 01:15 | Կատեգորիա Մտքեր

ՄԻԵԴ-ի վճիռը կոշտ և անդառնալի հետևանք կթողնի. Զարուհի Նախշքարյան

29.01 20:40 | Կատեգորիա Հասարակություն

Նամակ` պատերազմի դաշտից կորած եղբորս

28.01 00:14 | Կատեգորիա Հասարակություն

Արցախի հերոսի հորը թույլ չեն տվել մոտենալ որդու շիրիմին այն պահին, երբ Եռաբլուրում իշխանավորներն էին (տեսանյութ)

28.01 10:20 | Կատեգորիա Հասարակություն

Ինչով է այս տարվա հունվարը տարբերվում անցյալ տարվա հունվարից

28.01 01:05 | Կատեգորիա Հասարակություն

Դուբայից Մոսկվա թռչող ինքնաթիռը հարկադիր վայրէջք է կատարել

29.01 22:23 | Կատեգորիա Համաշխարհային

Գողության կասկածանքով պարեկներ են ձերբակալվել

27.01 23:01 | Կատեգորիա Հասարակություն

Իշխանություններին առաջարկում եմ հրապարակել իրենց և իրենց ընտանիքի անդամների հայտարարագրերը․ Առաքելյան

29.01 21:34 | Կատեգորիա Մտքեր

ՈՒՂԻՂ