Վրաստանի գլխավոր դատախազությունը քրեական գործ է հարուցել նախկին վարչապետ Գիորգի Գախարիայի դեմ, լրագրողներին հայտնել է գլխավոր դատախազ Գիորգի Գվարակիձեն։
«Վրաստանի դատախազությունը քրեական գործ է հարուցել նախկին վարչապետ Գիորգի Գախարիայի դեմ։ Գործը վերաբերում է Չորչանայի հայտնի միջադեպին և 2019 թվականի հունիսի 20-21-ի իրադարձություններին»,-ասել է Գվարակիձեն։
Նրա խոսքով՝ առաջին դրվագը վերաբերում է 2019 թվականի հունիսի 20-ին հանրահավաքի ցրմանը։ Գվարակիձեն ասել է, որ հակակառավարական ցուցարարները փորձել են ներխուժել խորհրդարան, սակայն Վրաստանի ՆԳՆ այն ժամանակվա ղեկավար Գախարիան հրամայել է հատուկ նշանակության ուժերին օգտագործել հատուկ տեխնիկա և կանխել է ցուցարարների հեռանալը։
Գլխավոր դատախազի խոսքով՝ տասնյակ ցուցարարներ վիրավորվել են ռետինե փամփուշտներից։
