Վաշինգտոնը զգուշացրել է Բուխարեստին և ՆԱՏՕ-ի մյուս դաշնակիցներին Եվրոպայում ամերիկյան զորքերի թվաքանակի կրճատման մասին, հայտնել է Ռումինիայի պաշտպանության նախարարությունը իր կայքում։
«Ազգային պաշտպանության նախարարությունը տեղեկացվել է ՆԱՏՕ-ի արևելյան թևում տեղակայված ԱՄՆ ուժերի թվի կրճատման մասին՝ ԱՄՆ զինված ուժերի գլոբալ դիրքորոշման վերանայման շրջանակներում», - ասվում է հայտարարության մեջ։
Եվրոպայում ռոտացիան դադարեցնող ստորաբաժանումների թվում են Ռումինիա ուղարկվող և Միհայ Կոգալնիչանու ավիաբազայում տեղակայված ստորաբաժանումները։
«Այս որոշումը սպասելի էր, քանի որ Ռումինիան մշտական կապ է պահպանում իր ռազմավարական գործընկերոջ՝ Միացյալ Նահանգների հետ», - նշել է նախարարությունը։
