Աշնանը իմունային համակարգը ամրապնդելու համար, իմունոլոգ Ջեննա Մակիոչիի (Սասեքսի համալսարան) խոսքով, ձեր սննդակարգում պետք է ներառեք կարմիր միս, ճարպոտ ձուկ, բուսական ծագման սնունդ և խմորված սնունդ։ Մասնագետի խոսքերը մեջբերում է Daily Mail-ը։
Մակիոչիի խոսքով, խմորված սնունդը, ինչպիսիք են բնական մածունը և կեֆիրը, պետք է լինի ձեր առավոտյան սննդակարգի կարևոր մասը։ Դրանք նվազեցնում են բորբոքումները և օգնում են մարմնին ավելի արդյունավետ պայքարել վարակների դեմ՝ վերականգնելով աղիքային մանրէների հավասարակշռությունը։
Մասնագետը նաև խորհուրդ է տալիս չմոռանալ վիտամին C-ի մասին։ Վիտամին C-ի աղբյուրներն են կիվին, կարմիր պղպեղը, հատապտուղները, գրեյպֆրուտը և տերևավոր կանաչեղենը։ Ինչպես նշել է իմունոլոգը, սննդակարգում այս վիտամինի բավարար քանակությունը օգնում է ձեզ միջինում 8%-ով ավելի արագ վերականգնվել մրսածությունից։
Բժիշկը նաև ընդգծեց վիտամին D-ի կարևորությունը, հատկապես աշնանը և ձմռանը, երբ արևի լույսի ազդեցությունը նվազում է։ Այս պակասը փոխհատուցելու համար արժե ձեր սննդակարգում ավելացնել ճարպոտ ձուկ՝ ոչ միայն սաղմոն, այլև ավելի մատչելի տարբերակներ, ինչպիսիք են սկումբրիան և սարդինը։ Վիտամին D-ն նաև հանդիպում է ձվի և կաթնամթերքի մեջ։
Կարմիր միսը աշնանային ճաշացանկի մեկ այլ կարևոր տարր է: Մասնագետի խոսքով՝ նիհար միսը անվտանգ է չափավոր օգտագործման դեպքում։
«Կարմիր միսը հարուստ է սպիտակուցներով, երկաթով, ցինկով և B վիտամիններով, որոնք անհրաժեշտ են իմունային համակարգի բնականոն գործունեության համար», - եզրափակեց իմունոլոգը:
Թարգմանությունը՝ Euromedia24.com-ի
