Ճապոնիայի խորհրդարանի ստորին պալատում նոր վարչապետի ընտրության քվեարկությունը կարող է տեղի ունենալ հոկտեմբերի 21-ին, հաղորդում է Kyodo լրատվական գործակալությունը։
Նշվում է, որ այս ամսաթիվը ներկայումս վերջնական հաստատման փուլում է։ Առաջիկա քվեարկության արդյունքները մնում են անկանխատեսելի՝ Լիբերալ-դեմոկրատական կուսակցության (ԼԴԿ) գլխավորած իշխող կոալիցիայի փլուզումից հետո Ճապոնիայի քաղաքական դաշտում տիրող անորոշության ֆոնին։
Կոմեիտո կուսակցության կոալիցիայից դուրս գալուց հետո ճապոնական ընդդիմությունը իրական հնարավորություն ստացավ զավթելու երկրում իշխանությունը, որը 2012 թվականից ի վեր գտնվում էր Լիբերալ-դեմոկրատական կուսակցության ձեռքում։
ԼԴԿ-ի և Կոմեյտոյի միջև հիմնական անհամաձայնությունը ծագել է մեկ տարի առաջ ԼԴԿ-ն ցնցած ֆինանսական սկանդալներից։ Այդ ժամանակ, ներկայիս վարչապետ Շիգերու Իշիբայի ճնշման տակ, ԼԴԿ-ի մի քանի ծանրքաշային գործիչներ լքեցին կուսակցությունը։ Սակայն Տակաիչին արդեն հստակեցրել է, որ նրանցից շատերին ոչ միայն կվերադարձնի կուսակցություն, այլև կնշանակի իր վարչակազմում բարձր պաշտոնների։
