Գազայի հատվածում հրադադարի համաձայնագրի կնքմամբ միջազգային հանրության՝ պաղեստինյան անկլավին աջակցելու առաքելությունը չի ավարտվել, այլ միայն սկսվել է։
Այս մասին լրագրողներին հայտարարել է Թուրքիայի նախագահ Ռեջեփ Թայիփ Էրդողանը Եգիպտոսի Շարմ էլ Շեյխ քաղաքից վերադառնալիս, որտեղ երկուշաբթի օրը տեղի էր ունեցել համաձայնագրին նվիրված խաղաղության գագաթնաժողովը։
«Մենք պետք է ակտիվացնենք մեր ջանքերը՝ ապահովելու համար, որ Գազայի ցեղասպանության համար պատասխանատուները պատժվեն», - ասել է Թուրքիայի նախագահը, ինչպես մեջբերել է NTV-ն։
