Բելառուսի նախագահ Ալեքսանդր Լուկաշենկոն հայտարարել է, որ ԱՄՆ նախագահ Դոնալդ Թրամփը չպետք է անհանգստանա այս տարի Նոբելյան խաղաղության մրցանակ չստանալու համար։
«Դոնալդ Թրամփին Նոբելյան մրցանակ չշնորհելը, հաշվի առնելով տարբեր Նոբելյան դափնեկիրների հայտարարությունները, նույնպես ընդունելի է։ Նրանք խոստանում են, որ նա անպայման հաջորդ տարի կստանա Նոբելյան խաղաղության մրցանակը։
«Ես անձամբ նրան խորհուրդ կտայի չափազանց չանհանգստանալ Նոբելյան մրցանակ չստանալու համար։ Որովհետև այնտեղ այդ դավաճանների շարքում լինելը, հավանաբար, նրան չի սազում։ Եվ աշխարհի ժողովուրդները պետք է գնահատեն այն, ինչ ԱՄՆ-ն և նրա նախագահն անում են միջազգային ասպարեզում»,-ասել է Բելառուսի առաջնորդը երեքշաբթի օրը Մինսկում կայացած հանդիպման ժամանակ, ինչպես մեջբերել է «Բելտա» լրատվական գործակալությունը։
