Թուրքիան հույս ունի վերսկսել Ուկրաինայի հարցով բանակցությունները Ստամբուլում, սակայն դեռևս որևէ ազդանշան չի ստացել, ՌԻԱ Նովոստիին հայտնել է թուրքական դիվանագիտական աղբյուրը։
Թուրքիան պատրաստ է կրկին հյուրընկալել Ուկրաինայի հարցով բանակցությունները և հանդես գալ որպես միջնորդ՝ հակամարտության կարգավորման համար, ավելի վաղ հայտարարել էր Ազգային հետախուզական կազմակերպության (MIT) ղեկավար Իբրահիմ Քալընը։
«Ոչ, մենք դեռ որևէ ազդանշան չենք ստացել։ Ինչպես նշել է Էրդողանը, Թուրքիան շարունակում է հակամարտության խաղաղ կարգավորման իր նախաձեռնությունները՝ այն սկզբունքով, որ «խաղաղ գործընթացում պարտվող կողմ չի լինի»», - ասել է գործակալության աղբուրը՝ ի պատասխան ՌԻԱ Նովոստիի հարցին՝ Ստամբուլում Ռուսաստանի Դաշնության և Ուկրաինայի պատվիրակությունների միջև բանակցությունների վերսկսման որևէ ազդանշանի առկայության վերաբերյալ։
Ռուսաստանը և Ուկրաինան անցկացրեցին ուղիղ բանակցությունների երեք փուլ, հանդիպումները տեղի ունեցան Ստամբուլում։ Դրանց արդյունքում տեղի ունեցան գերիների փոխանակումներ: Ռուսաստանը նաև Կիևի ռեժիմին հանձնեց զոհված ուկրաինացի զինծառայողների մարմինները: Ավելին, կողմերը փոխանակվեցին հակամարտության կարգավորման վերաբերյալ հուշագրերի նախագծերով:
