ԱՄՆ նախկին նախագահ Ջո Բայդենը երախտագիտություն է հայտնել Դոնալդ Թրամփի ղեկավարած ԱՄՆ վարչակազմին Գազայի հատվածում հրադադարի համար և հույս հայտնել Մերձավոր Արևելքում խաղաղ ապագայի համար։
«Այժմ, Միացյալ Նահանգների և աշխարհի աջակցությամբ, Մերձավոր Արևելքը գտնվում է խաղաղության ճանապարհին, որը, հուսով եմ, երկարատև կլինի, և խաղաղության, արժանապատվության և անվտանգության ապագայի ճանապարհին ինչպես իսրայելցիների, այնպես էլ պաղեստինցիների համար։ Ես շնորհակալություն եմ հայտնում նախագահ Թրամփին և նրա թիմին իրենց աշխատանքի համար», - գրել է Բայդենը իր X էջում։
Նա նաև նշել է իր վարչակազմի ջանքերը՝ պատերազմը դադարեցնելու, իսրայելցի պատանդներին գերությունից վերադարձնելու և պաղեստինցի քաղաքացիական անձանց օգնություն տրամադրելու ուղղությամբ: Նախկին նախագահը ընդգծել է, որ «համաձայնության հասնելու ճանապարհը հեշտ չէր»:
Բայդենը հայտնել է, որ թեթևացած է հրադադարի, «անհավանական դժոխքի միջով անցած» իսրայելցիների և «անհամար կորուստներ կրած» Գազայի քաղաքացիական բնակչության տուն վերադառնալու լուրից։
