ԱՄՆ նախագահ Դոնալդ Թրամփը կոչ է արել Մերձավոր Արևելքի երկրներին և այլ շահագրգիռ պետություններին միավորվել և համագործակցել՝ տարածաշրջանում կայուն խաղաղության հասնելու համար: Նա կարծում է, որ Գազայի հատվածում հրադադարը պետք է լինի այս ճանապարհին առաջին քայլը:
«Այժմ այս բոլոր մեծ երկրները, որոնք այդքան երկար և դժվար պայքարել են տարածաշրջանի համար, պետք է միավորվեն և ավարտեն աշխատանքը։ Գազան դրա միայն մեկ մասն է։ Իրական գործարքը Մերձավոր Արևելքում խաղաղությունն է», - գրել է Թրամփը Truth Social-ում՝ Վաշինգտոն մեկնելու ճանապարհին, ամփոփելով Շարմ էլ Շեյխի խաղաղության գագաթնաժողովը, որը նվիրված էր պաղեստինյան անկլավում հրադադարին։
Երկուշաբթի օրը կայացած գագաթնաժողովում Եգիպտոսի նախագահ Աբդել Ֆաթթահ աս-Սիսին, Կատարի էմիր շեյխ Թամիմ բին Համադ ալ-Թանին, ԱՄՆ նախագահ Դոնալդ Թրամփը և Թուրքիայի նախագահ Ռեջեփ Թայիփ Էրդողանը ստորագրեցին հրադադարի վերջնական համաձայնագիր պաղեստինյան անկլավում։
