ԱՄՆ-ի, Եգիպտոսի, Կատարի և Թուրքիայի առաջնորդները Շարմ էլ Շեյխում կայացած գագաթնաժողովում ստորագրել են Գազայի հատվածի վերաբերյալ խաղաղության համաձայնագիր։
Թրամփն ասել է, որ փաստաթուղթը պարունակում է «շատ կանոններ և կարգավորումներ, ինչպես նաև շատ այլ բաներ, և այն շատ համապարփակ կլինի»։
«Սա այն օրն է, որի համար այս տարածաշրջանի և ամբողջ աշխարհի մարդիկ աշխատել, կարոտել, հույս են ունեցել և աղոթել են։ Մեր կողմից հենց նոր ստորագրված պատմական համաձայնագրով միլիոնավոր մարդկանց աղոթքները վերջապես պատասխանվել են։ Միասին մենք հասել ենք անհնարինին։ Վերջապես մենք խաղաղություն ունենք Մերձավոր Արևելքում»։
Նա հավելել է, որ այս «բեկումը նոր սկիզբ կլինի ամբողջ Մերձավոր Արևելքի համար»։«Այսուհետ մենք կարող ենք կառուցել մի տարածաշրջան, որը կլինի ուժեղ, կայուն, բարգավաճող և միասնական՝ մեկընդմիշտ մերժելով ահաբեկչության ուղին», - ընդգծել է ԱՄՆ նախագահը։
