Վրաստանի պետական անվտանգության ծառայությունը հայտնել է Աջարիայում երկրի երեք քաղաքացիների ձերբակալման մասին, որոնք փորձում էին իրենց տարածք մաքսանենգ ճանապարհով անցկացնել «Իսլամական պետություն» (Ռուսաստանում արգելված) ահաբեկչական խմբավորման ազդեցիկ անդամներին։
«Երեք ձերբակալված Վրաստանի քաղաքացիները պլանավորել էին անօրինական կերպով երկիր բերել «Իսլամական պետություն» ահաբեկչական կազմակերպության ազդեցիկ անդամներին և նրանց ղեկավարության հետ միասին կազմակերպել որոշակի պլացդարմ»,
«այդպիսով ապահովելով համախոհ անձանց անօրինական ընդունումը/տեղավորումը, լոգիստիկ ծառայությունների մատուցումը և վրացական տարածքի տարանցիկ օգտագործումը», - ասվում է հայտարարության մեջ։
Նշվել է, որ խուզարկության ընթացքում առգրավվել են ահաբեկչական խորհրդանիշներ պատկերող իրեր, ինչպես նաև պայթուցիկ նյութեր, մեծ քանակությամբ զինամթերք և հրազեն, գումար, բջջային հեռախոսներ և տեղեկատվություն փոխանցելու այլ էլեկտրոնային սարքեր։
Հետաքննություն է ընթանում երկու քրեական հոդվածներով, որոնք նախատեսում են պատիժ հրազենի, զինամթերքի և պայթուցիկ նյութերի ապօրինի ձեռքբերման և պահպանման, ինչպես նաև օտարերկրյա ահաբեկչական կազմակերպությանը միանալու և ահաբեկչական գործունեությանը օժանդակելու համար։
