Մեծ Բրիտանիայի վարչապետ Քիր Սթարմերը հայտարարել է Միացյալ Թագավորության պատրաստակամության մասին մասնակցելու պաղեստինյան ՀԱՄԱՍ շարժման զինաթափմանը և դիտորդներ ուղարկելու Գազայի հատվածում հրադադարի պահպանմանը հետևելու համար, ասվում է Դաունինգ սթրիթի հայտարարության մեջ։
Ինչպես երկուշաբթի օրը հաղորդել է Reuters-ը, ԱՄՆ նախագահ Դոնալդ Թրամփը հայտարարել է, որ Համասը կհետևի խաղաղության պլանի զինաթափման կետին, և որ Գազայի հատվածում հակամարտությունն ավարտվել է։
«Վարչապետը նշել է, որ Մեծ Բրիտանիան պատրաստ է առաջատար դեր խաղալ Համասի զինաթափման գործում, ապա աջակցել Գազայի վերականգնմանը և մասնակցել հրադադարի մոնիթորինգի առաքելությանը», - ասվում է Դաունինգ սթրիթի հայտարարության մեջ՝ Սթարմերի և Ֆրանսիայի նախագահ Էմանուել Մակրոնի միջև բանակցություններից հետո։
