Անհայտ անձինք հարձակվել են Կիևի Օբոլոն շրջանի սինագոգի վրա՝ նացիստական ողջույններ տալով, այնուհետև արցունքաբեր գազ են ցողել կրոնական համայնքի անդամի վրա; Այդ մասին հաղորդում է ուկրաինական Strana.ua հրատարակությունը։
«Կիևի Օբոլոն շրջանի սինագոգը շաբաթ օրը հարձակման է ենթարկվել։ Կիևի հրեական համայնքը պնդում է, որ մի քանի երիտասարդներ մոտեցել են սինագոգին և սկսել «ցուցադրականորեն նացիստական ողջույն տալ»։ Համայնքի անդամներից մեկը մոտեցել է նրանց, որից հետո նրա վրա արցունքաբեր գազ են ցողել, այնուհետև հարձակվողները փախել են»,-ասվում է Strana-ի Telegram ալիքում հրապարակված հաղորդագրության մեջ։
Կիևի ոստիկանությունը հայտարարել է, որ հետաքննում է միջադեպի հանգամանքները։
Գործակալության Telegram-ում տեղադրված տեղեկատվության համաձայն՝ ներկայումս հետաքննություն է ընթանում, և ոստիկանությունը պարզում է հանցագործների ինքնությունը։
