ԱՄՆ նախագահ Դոնալդ Թրամփը հայտարարել է, որ լավ է շփվում Ռուսաստանի առաջնորդ Վլադիմիր Պուտինի հետ, սակայն «շատ հիասթափված» է ուկրաինական հակամարտության հարցում Ռուսաստանի առաջնորդությունից։
Այս մասին նա լրագրողներին հայտնել է Սպիտակ տանը Կանադայի վարչապետ Մարկ Քարնիի հետ հանդիպման սկզբում։
«Ես շատ լավ եմ շփվում Ռուսաստանի նախագահ Վլադիմիր Պուտինի հետ», - ասել է նախագահը՝ նախադասությունն անավարտ թողնելով։ Այնուհետև նա հայտարարել է, որ «շատ հիասթափված է» Ռուսաստանի ղեկավարության գործողություններից Ուկրաինայի հարցում։
Թրամփը ձեռնպահ է մնացել ուկրաինական հակամարտության վերաբերյալ ավելի մանրամասն հայտարարություններ անելուց։
