ԱՄՆ նախագահ Դոնալդ Թրամփը հայտարարել է, որ իր առողջական վիճակը հիմա նույն մակարդակի վրա է, կամ նույնիսկ ավելի լավ, քան երեք տասնամյակ առաջ էր։«Կարծում եմ՝ ես լավ եմ դիմանում:
Ես ինձ նույնը կամ նույնիսկ ավելի լավ եմ զգում, քան 30 տարի առաջ», – Newsmax-ին տված հարցազրույցում ասել է 79-ամյա ամերիկացի առաջնորդը՝ պատասխանելով հաղորդավարի՝ իր առողջության մասին հարցին։2025 թվականի ամռանը Թրամփի մոտ ոտքերի այտուցվածություն և ձեռքերի կապտուկներ նկատվեցին։
Սպիտակ տան մամուլի քարտուղար Քերոլայն Լիվիտն այդ ժամանակ հայտարարել էր, որ ԱՄՆ նախագահը շարունակում է մնալ գերազանց առողջական վիճակում։
