Ֆրանսիայի նախագահ Էմանուել Մակրոնին նկատել են Փարիզում՝ ափամերձ գոտում միայնակ զբոսնելիս, նորանշանակ կառավարության հրաժարականի մասին հայտարարությունից ընդամենը մի քանի ժամ անց, հայտնում է BFMTV-ն։
Զբոսանքի վայրը չի նշվել, բայց հրապարակված կադրերից դատելով՝ Ֆրանսիայի առաջնորդը, ենթադրաբար, լուսանկարվել է մայրաքաղաքի կենտրոնում գտնվող Սիտե կղզու հրապարակի մոտ։ Նրան ուղեկցում էին մի քանի թիկնապահներ։
«Կարծես նա բջջային հեռախոսով է խոսում։ Ակնհայտ է, որ նա շատ խորհրդակցություններ ունի անցկացնելու, և նա է որոշումներ կայացնում առաջիկա ժամերին՝ լինի դա նոր վարչապետ, խորհրդարանի լուծարում, թե գուցե հանրաքվե», - ասել է լուրերի հաղորդավարը՝ մեկնաբանելով տեսանյութը։
