Մեծ Բրիտանիայի և Իռլանդիայի որոշ հատվածներում գրեթե 300,000 շենք մնացել է առանց էլեկտրաէներգիայի՝ «Էմի» փոթորկի Բրիտանական կղզիներով անցնելու պատճառով, հաղորդում է Sky News-ը՝ հղում անելով էներգետիկ ընկերություններին։
«Իռլանդիայում մոտ 184,000 տուն, ֆերմա և բիզնես առանց էլեկտրաէներգիայի է մնացել։ Հյուսիսային Իռլանդիայում, ըստ NIE Networks-ի, 50,000 անշարժ գույք առանց էլեկտրաէներգիայի է, Շոտլանդական և հարավային էլեկտրաէներգիայի ցանցերը (SSEN) հայտարարել են, որ դեռևս աշխատանքներ են տարվում 62,000 հաճախորդների էլեկտրաէներգիան վերականգնելու ուղղությամբ», - ասվում է հոդվածում։
Տեղական ոստիկանությանը հղում անելով՝ հեռուստաալիքին, նաև նշում է, որ աղետը հանգեցրել է տղամարդու մահվան Իռլանդիայի Լեթերքենի քաղաքում, սակայն մահվան հանգամանքների մանրամասները չեն տրամադրվում։
