Հնդկաստանը հանձնառու է ամրապնդել Ռուսաստանի հետ կապերը բոլոր ոլորտներում, այդ թվում՝ առևտրի, պաշտպանության, գիտության, տեխնոլոգիաների և այլնի։
Այս մասին ճեպազրույցի ժամանակ հայտարարել է Հնդկաստանի արտաքին գործերի նախարարության մամուլի խոսնակ Ռանդհիր Ջայսվալը՝ ՏԱՍՍ-ի խնդրանքով մեկնաբանելով Ռուսաստանի և Հնդկաստանի միջև ռազմավարական գործընկերության մասին հռչակագրի ստորագրման 25-ամյակը նախագահ Վլադիմիր Պուտինի Հարավային Ասիայի հանրապետություն այցի ընթացքում։
«Այսօր հատուկ օր է։ 2000 թվականի հոկտեմբերի 3-ին մենք հաստատեցինք ռուս-հնդկական ռազմավարական գործընկերությունը, և այսօր նշում ենք այս հատուկ գործընկերության 25-ամյակը», - ասել է նա։
«Հնդկաստանը և Ռուսաստանը հաստատել են հատուկ, արտոնյալ ռազմավարական գործընկերություն։ Մենք ձգտում ենք ամրապնդել այս կապերը և տեսնել դրանց զարգացումը մեր համատեղ աշխատանքի յուրաքանչյուր ոլորտում։
Սրանք առևտրատնտեսական հարցեր են, ներդրումներ, պաշտպանության, գիտության և տեխնոլոգիաների ոլորտում հարաբերություններ և այլն», - ասել է հնդիկ դիվանագետը։
