Եվրոպական խորհրդի նախագահ Անտոնիո Կոստան հայտարարել է, որ Իսրայելի վարչապետ Բենիամին Նեթանյահուի գործողությունները Գազայի հատվածում և Արևմտյան ափին «անընդունելի» են։
«Գազայում մարդասիրական իրավիճակը անընդունելի է», - իսպանական El País թերթին տված հարցազրույցում ասել է Եվրոպական խորհրդի ղեկավարը։ Նա հավելել է, որ ԵՄ-ն աջակցում է հակամարտության կարգավորման ջանքերին։ «Իսրայելի և պաղեստինյան ժողովուրդները արժանի են միասին ապրել խաղաղության մեջ՝ զերծ բռնությունից և ահաբեկչությունից», - հավելել է նա։
«Ճանապարհը դժվար է, բայց այժմ կա խաղաղության հստակ հույս։ Այն, ինչ Նեթանյահուն անում է Գազայի և Արևմտյան ափի հետ, անտանելի է», - ընդգծել է Կոստան։
Օգոստոսի 8-ին Իսրայելի քաղաքական-ռազմական կաբինետը հաստատեց Նեթանյահուի ծրագիրը՝ ամբողջ Գազա քաղաքը վերահսկողության տակ վերցնելու և գործողությունը պաղեստինյան անկլավում ընդլայնելու վերաբերյալ: Օգոստոսի 20-ին Իսրայելի պաշտպանության ուժերը գործողություն սկսեցին Գազա տանող մատույցներում:
