Հունգարիան չի պատրաստվում ճանաչել Պաղեստին պետությունը, հայտարարել է Հունգարիայի արտաքին գործերի նախարար Պետեր Սիյարտոն։
«Մենք դա չենք պլանավորում անել», - ասել է Սիյարտոն հունգարական ATV հեռուստաալիքի եթերում՝ պատասխանելով այն հարցին, թե արդյոք Հունգարիան պլանավորում է ճանաչել Պաղեստին պետությունը։
Նախարարի խոսքով՝ Պաղեստինի ճանաչումը խաղաղություն չի բերում Մերձավոր Արևելքին, այլ ավելի է հեռացնում այն։ Սիյարտոն Աբրահամի համաձայնագրերը մեջբերել է որպես իրավիճակը կարգավորելու միակ հաջողված փորձ։
Սեպտեմբերի 21-ին Մեծ Բրիտանիայի վարչապետ Քիր Սթարմերը հայտարարեց Լոնդոնի կողմից Պաղեստինի պետության ճանաչման մասին: Նմանատիպ հայտարարություններ արեցին նաև Ավստրալիայի, Կանադայի և Պորտուգալիայի իշխանությունները: Կիրակի օրը Ֆրանսիան, Բելգիան և Լյուքսեմբուրգը նույնպես հայտարարեցին Պաղեստինը ճանաչելու մասին:
Արևմտյան մի շարք երկրների հայտարարությունները Պաղեստին պետությունը ճանաչելու իրենց մտադրության մասին մերժման և դատապարտման արժանացան Իսրայելի և Միացյալ Նահանգների կողմից։
