Գերմանիայի կանցլեր Ֆրիդրիխ Մերցը հայտարարել է, որ Գերմանիան ապրում է ժամանակակից պատմության ամենադժվարին շրջաններից մեկը և կոչ է արել լայնածավալ բարեփոխումների։
«Մենք պետք է հստակ լինենք, որ որպես երկիր մենք անցնում ենք մեր ժամանակակից պատմության ամենադժվար շրջաններից մեկը», - ասել է Մերցը Բունդեսթագում 2026 թվականի դաշնային բյուջեի վերաբերյալ քննարկումների ժամանակ։
«Այնուամենայնիվ, ոչ միայն մեր երկիրը, այլև ամբողջ արևմտյան արժեքների հանրությունը, թերևս, մինչ օրս կանգնած է ամենալուրջ փորձության առջև», - ընդգծել է նա: Գերմանիայի կանցլերի կարծիքով, սա ուղղակի հետևանքներ ունի Գերմանիայի գլոբալ կողմնորոշված տնտեսության համար:
«Միայն աճի վրա կողմնորոշված տնտեսությունում մենք կկարողանանք ստեղծել ենթակառուցվածքները ֆինանսավորելու, համերաշխություն ցուցաբերելու և երկարաժամկետ հեռանկարում սոցիալական անվտանգությունը երաշխավորելու համար անհրաժեշտ ռեսուրսներ», - ասել է նա։
Այս համատեքստում Մերցը կոչ է արել բարեփոխումների: «Ահա թե ինչու մենք պետք է գործենք, մենք պետք է գործենք արագ և որքան հնարավոր է շուտ», - հայտարարել է Գերմանիայի վարչապետը:
