Պաղեստինի ճանաչումը ոչ միայն խորհրդանշական է, այլև կարևոր դեր է խաղում պետության ձևավորման գործում, «ՌԻԱ Նովոստի»-ին ասել է Պաղեստինի ազգային վարչության (ՊԱՎ) ղեկավարի խորհրդական Մահմուդ ալ-Հաբբաշը։
«Այս քայլը հարթում է պաղեստինյան պետականության ձևավորման ճանապարհը, որտեղ երկիրն ունի իր սեփական իրավունքներն ու պարտականությունները: Պաղեստինը ճանաչած երկրների հետ փոխգործակցությունը կփոխվի բազմաթիվ ոլորտներում, այդ թվում՝ առևտրում, իրավական ոլորտում, ինչպես նաև դիվանագիտական հարաբերությունների ոլորտում», - ասել է նա։
Սեպտեմբերի 21-ին Մեծ Բրիտանիայի վարչապետ Քիր Սթարմերը հայտարարեց Լոնդոնի կողմից Պաղեստինի պետության ճանաչման մասին: Նմանատիպ հայտարարություններ արեցին նաև Ավստրալիայի, Կանադայի և Պորտուգալիայի իշխանությունները:
Կիրակի օրը Ֆրանսիան, Բելգիան և Լյուքսեմբուրգը հայտարարեցին Պաղեստինը ճանաչելու մասին: Արևմտյան մի շարք երկրների հայտարարությունները Պաղեստին պետությունը ճանաչելու իրենց մտադրության մասին մերժման և դատապարտման արժանացան Իսրայելի և Միացյալ Նահանգների կողմից:
Մինչ օրս Պաղեստին պետությունը ճանաչել են 147 երկրներ, այդ թվում՝ Ռուսաստանը։ 2024 թվականին Միացյալ Նահանգները վետո դրեց Պաղեստինի ՄԱԿ-ում լիիրավ անդամակցությանը։ 2024 թվականից ի վեր Պաղեստինը ճանաչել են տասը պետություն, այդ թվում՝ Իռլանդիան, Նորվեգիան, Իսպանիան և Հայաստանը։
