Կալիֆոռնիայի Հյուսիսային շրջանի դատավոր Ռիտա Լինը հրամայել է ԱՄՆ վարչակազմին վերականգնել Կալիֆոռնիայի համալսարանին տրամադրված 500 միլիոն դոլարի սառեցված բժշկական դրամաշնորհները, հաղորդում է Los Angeles Times-ը։
Հրատարակության տվյալներով՝ դրամաշնորհները կասեցվել են Սպիտակ տան կողմից համալսարանին հակասեմիտիզմի, ընդունելության ժամանակ ռասայական պրոֆիլավորման և տրանսգենդեր ինքնության ճանաչման մեղադրանքների պատճառով։
Համաձայն դաշնային դատավորի որոշման՝ դրամաշնորհները կասեցվել են կոնկրետ հետազոտությունների հետ կապ չունեցող պաշտոնական նամակների հիման վրա, ինչը գործադիր մարմինների կանոնակարգման գործունեությունը կարգավորող Վարչական դատավարության մասին օրենքի խախտում է։
Կալիֆոռնիայի համալսարանի նախագահ Ջեյմս Միլիկենը նախկինում ավելի քան 500 միլիոն դոլարի չափով դրամաշնորհների կրճատումները, ինչպես նաև ԱՄՆ վարչակազմի կողմից ձեռնարկված այլ քայլերը անվանել էր ամբողջ համալսարանական համակարգի համար կործանարար սպառնալիք։
