Թոռների խնամքը կարող է նվազեցնել դեմենցիայի զարգացման ռիսկը 50 տարեկան և բարձր տարիքում: Այս եզրակացությանն են հանգել չինացի գիտնականները: Ուսումնասիրության արդյունքները հրապարակվել են JAMA Network Open ամսագրում:
Գիտնականները վերլուծել են 50-ից 79 տարեկան ավելի քան 10,000 մարդկանց առողջական տվյալները: Պարզվել է, որ շաբաթական մինչև 39 ժամ իրենց թոռների մասին հոգ տանող տատիկ-պապիկների մոտ դեմենցիայի զարգացման ռիսկը 24%-ով ցածր է եղել, քան նրանց մոտ, ովքեր ընդհանրապես չեն հոգացել իրենց երեխաների մասին:
Այս տվյալները ստացվել են ճանաչողական թեստերի արդյունքում. մասնակիցները դրանք պարբերաբար անցել են ուսումնասիրության ընթացքում:
Հեղինակների խոսքով՝ դրական ազդեցությունը կապված է ավելի ակտիվ սոցիալական և թվային կյանքի հետ. նման տարեց մարդիկ ավելի հաճախ են օգտագործել բջջային հեռախոսներ, մուտք գործել ինտերնետ և ավելի քիչ են զգացել միայնակություն: Այս գործոնները բացատրում են դիտարկված պաշտպանիչ ազդեցության մինչև 37%-ը:
Միևնույն ժամանակ, թոռների հետ չափազանց զբաղված լինելը՝ լրիվ դրույքով աշխատելու համարժեքը, չի նպաստել ճանաչողական առողջությանը: Հետազոտողները ենթադրում են, որ ծերության շրջանում նման աշխատանքային ծանրաբեռնվածությունը կարող է առաջացնել հոգնածություն և սթրես, որոնք չեզոքացնում են դրական ազդեցությունները:
Թարգմանությունը՝ Euromedia24.com-ի
