ԱՄՆ նախագահ Դոնալդ Թրամփն արդեն հաստատել է Ուկրաինայի ռազմական օգնության որոշ հայտեր՝ հիմնվելով Վլադիմիր Զելենսկու կողմից հունիսին Հաագայում կայացած ՆԱՏՕ-ի գագաթնաժողովում տրամադրված մանրամասն ցանկի վրա, հաղորդում է The Washington Post-ը (WP)՝ հղում անելով Սպիտակ տան աղբյուրներին։
Թերթը չի մանրամասնում, թե ինչ տեսակի զենքեր են հաստատվել։
Աղբյուրների համաձայն, Պենտագոնի կողմից Ուկրաինային զենքի մատակարարումների վերանայումը սկսվել է հունիսին, այն բանից հետո, երբ ԱՄՆ պաշտպանության նախարար Փիթ Հեգսեթը հուշագիր է ստորագրել Սպիտակ տան և Պաշտպանության նախարարության ներկայացուցիչների հետ խորհրդակցություններից հետո։
Հուշագրում ինքնին կոչ չէր արվում դադարեցնել զինամթերքի մատակարարումը, սակայն նշվում էր խիստ ստուգման նոր մեխանիզմի մասին: Սպիտակ տան բարձրաստիճան պաշտոնյան WP-ին ասել է, որ Ուկրաինային տրամադրվող ռազմական օգնությունը պաշտոնապես չի կասեցվել:
Մինչդեռ Պենտագոնի պաշտոնյաները թերթին հայտնել են, որ հավանական է, որ «հրամանատարական շղթայի ռազմական ղեկավարները» կարող էին հետաձգել որոշ տեսակի զինամթերքի մատակարարումները, մինչև որ իմանային, թե ինչ է պլանավորում ԱՄՆ վարչակազմը այս հարցում։
