Եմենի «Անսար Ալլահ» ապստամբական շարժման հութիները հրթիռային հարձակում են գործել Թել Ավիվի Բեն Գուրիոն միջազգային օդանավակայանի վրա, հայտնել է ապստամբների կողմից ձևավորված զինված ուժերի խոսնակ Յահյա Սարիան։
«Եմենի հրթիռային ուժերը բարձրակարգ ռազմական գործողություն են իրականացրել՝ օկուպացված Ջաֆֆա շրջանում գտնվող Բեն Գուրիոն օդանավակայանը «Զուլֆիկար» բալիստիկ հրթիռով գրոհելով։ Գործողությունը հասավ իր նպատակին», - ասել է շարժման ներկայացուցիչը հուսիթներին պատկանող «Ալ Մասիրա» հեռուստաալիքի եթերում։
Հինգշաբթի օրը ավելի վաղ իսրայելական բանակը հայտարարել էր, որ որսացել է Եմենից Իսրայելի ուղղությամբ արձակված հրթիռ։ Սարիան ասել է, որ օդային հարձակման ազդանշանները հնչել են «ավելի քան 300 իսրայելական քաղաքներում և ավաններում», ինչը բնակիչներին ստիպել է ապաստան գտնել։ Նա ասել է, որ հարձակման հետևանքով Բեն Գուրիոն օդանավակայանը դադարեցրել է գործունեությունը։
