ԱՄՆ նախագահ Դոնալդ Թրամփի վարչակազմը վերսկսել է Կիևին որոշ տեսակի զենքի մատակարարումները, հաղորդում է Associated Press-ը՝ հղում անելով իր աղբյուրներին։
Նրանց տեղեկությունների համաձայն՝ Ուկրաինա են ուղարկվում 155 մմ տրամաչափի արկեր և բարձր ճշգրտության GMLRS զինամթերք։ Ավելի վաղ ամերիկյան լրատվամիջոցները հայտնել էին, որ Ուկրաինային ռազմական օգնության փոխանցումը կասեցնելու պահին զենքն արդեն գտնվում էր Լեհաստանի պահեստներում։
Գործակալությունը չի նշում, թե երբ է զենքը վերսկսել շարժվել դեպի Ուկրաինա։
Հուլիսի 2-ին The New York Times-ը հաղորդեց, որ Միացյալ Նահանգները կդադարեցնի Կիևին Patriot հրթիռների, GMLRS ճշգրիտ կառավարվող զինամթերքի, Hellfire կառավարվող հրթիռների, Stinger շարժական հրթիռային համակարգերի և մի շարք այլ զենքերի մատակարարումը։
