Գազայի հատվածում մայիսի վերջից ի վեր մարդասիրական օգնության կետերի վրա հարձակումների հետևանքով զոհվել է ավելի քան 770 պաղեստինցի, հաղորդում է Կատարի «Ալ Ջազիրա» հեռուստաալիքը։
Իսրայելի իշխանությունների կողմից ԱՄՆ-ի մասնակցությամբ ստեղծված Գազայի մարդասիրական հիմնադրամի (GHF) բաշխման կետեր դիմելիս մայիսի 27-ից ի վեր զոհված բնակիչների թիվը գերազանցել է 770-ը, հայտնում է հեռուստաալիքը՝ հղում անելով Գազայի առողջապահության նախարարությանը։
Ինչպես ավելի վաղ հաղորդել էր «Ալ Ջազիրան», միջազգային կազմակերպությունները մի քանի շաբաթ է, ինչ տագնապ են հնչեցնում, քանի որ 2.1 միլիոն Գազայի բնակիչներ բախվում են աղետալի սննդի պակասի, իսկ օգնության մատակարարումները անկանոն են։
