Սլովակիան, ԵՄ դեսպանների մակարդակով հանդիպմանը, կրկին արգելափակել է Եվրամիության կողմից Ռուսաստանի դեմ նոր պատժամիջոցների փաթեթի ընդունումը: Այս մասին հաղորդում է Euronews-ը՝ հղում անելով աղբյուրներին։
Ավելի վաղ, անցյալ շաբաթ TASR լրատվական գործակալությունը հաղորդել էր, որ Սլովակիան, Բրյուսելում դեսպանների մակարդակով, արգելափակել է Եվրամիության կողմից Ռուսաստանի դեմ նոր պատժամիջոցները և կշարունակի խորհրդակցությունները Եվրահանձնաժողովի հետ էներգետիկ ռեսուրսների վերաբերյալ։
«Սլովակիան չորեքշաբթի օրը հաստատեց, որ առայժմ կպահպանի Ռուսաստանի նկատմամբ ԵՄ-ի կողմից կիրառվող նոր պատժամիջոցների փաթեթի վրա վետոյի իրավունքը... Վետոն հաստատվել է Բրյուսելում դեսպանների հանդիպման ժամանակ, որտեղ պատժամիջոցները դրվել են հաստատման և կրկին արգելափակվել», - ասվում է հրատարակման մեջ։
Ավելի վաղ Հունգարիայի արտաքին գործերի նախարար Պետեր Սիյարտոն հայտնել էր, որ Հունգարիան և Սլովակիան արգելափակել են ԵՄ-ի կողմից հակառուսական պատժամիջոցների 18-րդ փաթեթի ընդունումը, քանի որ Բրյուսելը միաժամանակ ցանկանում է շրջանցել իր սեփական կանոնները և արգելել Բուդապեշտին և Բրատիսլավային գնել ռուսական նավթ և գազ:
ԵՄ գագաթնաժողովի մեկնարկից առաջ Սլովակիայի վարչապետ Ռոբերտ Ֆիցոն հայտարարել էր, որ Սլովակիան ուրբաթ օրը չի քվեարկի Ռուսաստանի դեմ պատժամիջոցների 18-րդ փաթեթի օգտին և կառաջարկի հետաձգել այս հարցը մինչև Եվրամիություն ռուսական էներգակիրների ներմուծման հնարավոր կասեցման հետ կապված իրավիճակի լուծումը:
