Սերբիայի ոստիկանությունը չորեքշաբթի գիշերը ուսանողների և ընդդիմության կողմնակիցների բողոքի ցույցերի ժամանակ ձերբակալել է յոթ մարդու, հաղորդում է Սերբիայի Ներքին գործերի նախարարության մամուլի ծառայությունը։
Սերբիայում 40 աստիճան շոգը, որի պատճառով ցուցարարները մեկ շաբաթից ավելի փակել էին ճանապարհները, երեքշաբթի օրը փոխարինվեց տեղատարափ անձրևով, որը ազդեցություն է ունեցել ցուցարարների ակտիվության վրա։
«Անցած գիշերվա ընթացքում Ներքին գործերի նախարարության աշխատակիցները ստուգել են 346 մարդու փաստաթղթեր, որոնցից յոթը տարվել են ոստիկանություն։ 18 մարդու նկատմամբ հարուցվել են վարչական իրավախախտումների գործեր», - ասվում է հաղորդագրության մեջ։
Երեքշաբթի օրը «Գրադսկա չիստոչա» և «Գրադսկո զելենիլո» քաղաքային ծառայությունների աշխատակիցները տեխնիկայով ապամոնտաժեցին Բելգրադի Զեմուն շրջանում գտնվող արգելապատնեշը, ոստիկանությունը մոտակայքում էր, բայց չմիջամտեց:
Ցուցարարների սոցիալական ցանցերում տարածվել էր արգելապատնեշի ապամոնտաժման տեսանյութ, սակայն նրանք դիմադրություն չեն ցուցաբերել:
