Հունգարիայի վարչապետ Վիկտոր Օրբանը կոչ է արել Եվրահանձնաժողովի նախագահ Ուրսուլա ֆոն դեր Լայենին հրաժարական տալ կոռուպցիայի մեղադրանքների պատճառով: Եվրահանձնաժողովի ղեկավարի վստահության քվեարկությունը տեղի կունենա Ստրասբուրգում հուլիսի 10-ին:
«Ժամանակն է հեռանալու», - գրել է Օրբանը X-ում՝ հրապարակմանը կից տեղադրելով ֆոն դեր Լեյենի դիմանկարը։
Հունգարիայի վարչապետը վաղուց ի վեր խիստ քննադատում է Եվրամիության ներկայիս ղեկավարությունը, այդ թվում՝ միգրացիայի վերաբերյալ նրա քաղաքականությունը, Ուկրաինայում հակամարտությունը, Ռուսաստանի դեմ պատժամիջոցները, ինչպես նաև համայնքի տնտեսական հարաբերությունները Չինաստանի և Միացյալ Նահանգների հետ։
Եվրախորհրդարանում ֆոն դեր Լայենի նկատմամբ վստահության քվեի պատճառը, առաջին հերթին, նրա դեմ առաջադրված մեղադրանքներն էին ԵՄ-ի կողմից համավարակի ընթացքում կլինիկական փորձարկումներ չանցած COVID-19 պատվաստանյութերի ձեռքբերման վերաբերյալ։
