Ատոմային էներգիայի միջազգային գործակալությունը (ԱԷՄԳ) չի գրանցել որևէ նշան, որ Թեհրանը պատրաստվում է միջուկային զենք ձեռք բերել, լեհական «Ռժեչպոսպոլիտա» թերթին տված հարցազրույցում հայտարարել է գործակալության գլխավոր տնօրեն Ռաֆայել Գրոսսին։
«Այն փաստը, որ Իրանը կարող է միջուկային զենք ձեռք բերել, և այն փաստը, որ այն ունի, երկու տարբեր հարցեր են։ Մեր տրամադրած տվյալներն իսկապես զգայուն էին, քանի որ վկայում էին միջուկային ռումբի որոշակի ներուժի մասին։
«Սակայն սա հիմք չի տալիս պնդելու, որ այս ներուժը կիրականացվի», - նշել է Գրոսին՝ ընդգծելով, որ նույնիսկ եթե Թեհրանն ունենա նման մտադրություն, դա կպահանջի «ամիսներ կամ նույնիսկ ավելի»։
Նրա խոսքով՝ «իրանցիները ստիպված կլինեն հարստացված ուրանը վերամշակել մետաղի, ինչը նրանք դեռ չեն սկսել»։
«Երկրորդ, անհրաժեշտ է ստեղծել շատ բարդ համակարգերի մի ամբողջ շարք, որոնք նույնպես պետք է բավականաչափ փոքր լինեն միջուկային մարտագլխիկի մեջ տեղավորվելու համար», - բացատրել է նա։
