Կալիֆոռնիայի Իրվինի համալսարանի գիտնականները հայտնաբերել են էկզոմոլորակ՝ Kepler-22b-ն, որն իր բնութագրերով մոտ է Երկրին և կարող է համարվել վերջինիս պոտենցիալ անալոգը (կրկնօրինակը)։ Աշխատանքի արդյունքները հրապարակվել են arXiv գիտական նախնական տպագրության պորտալում։
Էկզոմոլորակը Արեգակնային համակարգից դուրս գտնվող մոլորակ է: Աշխատանքի շրջանակներում գիտնականները վերլուծել են NASA-ի (Ազգային աերոնավտիկայի և տիեզերական տարածության վարչություն) տվյալների բազայում գրանցված 517 նման օբյեկտներ:
Նրանք ուսումնասիրել են էկզոմոլորակների ութ հիմնական պարամետրեր, այդ թվում՝ շառավիղը և խտությունը, արեգակնային ճառագայթման մակարդակը, մակերևույթի ջերմաստիճանը, այն աստղի հատկությունները, որի շուրջը պտտվում են:
Հետազոտողները նաև հաշվի են առել այսպես կոչված մետաղականությունը՝ աստղում ջրածնից և հելիումից ծանր տարրերի պարունակությունը, որոնք ազդում են մոլորակների ձևավորման և քիմիական կազմի վրա:Հետազոտողները մշակել են նոր գնահատման համակարգ՝ մոլորակները Երկրի հետ նմանության հիման վրա դասակարգելու համար։
Մոդելի համաձայն՝ վերլուծված օբյեկտների միայն 0.6%-ն է՝ ընդամենը երեք մոլորակ, այդ թվում՝ Երկիրը, համապատասխանում էին բնակելիության բոլոր հիմնական չափանիշներին։Դրանցից պարամետրերով ամենամոտը Կեպլեր-22b օբյեկտն էր, որը գտնվում է Կարապի համաստեղությունում։
Այն գտնվում է երկնքի հյուսիսային կիսագնդում և ձգվում է Ծիր Կաթինով։
