Հոկտեմբերին նախատեսված Հարավարևելյան Ասիայի պետությունների ասոցիացիայի (ԱՍԵԱՆ) 47-րդ գագաթնաժողովը, ինչպես սպասվում է, պատմության մեջ ամենամեծը կլինի, որին կմասնակցեն գործընկեր երկրներ և այլ պետությունների ղեկավարներ, հայտարարել է Մալայզիայի վարչապետ Անվար Իբրահիմը։
«Հոկտեմբերին կայանալիք ԱՍԵԱՆ-ի գագաթնաժողովը, հավանաբար, ամենադինամիկն է լինելու մինչ օրս, քանի որ այն կմիավորի ոչ միայն ԱՍԵԱՆ-ի անդամ երկրներին և վաղեմի գործընկերներին, ինչպիսիք են Ճապոնիան, Հարավային Կորեան և Չինաստանը, այլև շատ ուրիշների», - նրա խոսքերն է մեջբերել Բերնաման։
ԱՍԵԱՆ-ի ղեկավարների հանդիպումը տեղի կունենա Կուալա Լումպուրում հոկտեմբերի 26-28-ը: Անվարի խոսքով՝ մասնակցությունը հաստատել են Իտալիայի վարչապետ Ջորջիո Մելոնին, Բրազիլիայի նախագահ Լուիս Ինասիո Լուլա դա Սիլվան, Կանադայի վարչապետ Մարկ Քարնին, իսկ Հարավային Աֆրիկայի նախագահ Սիրիլ Ռամաֆոսան նույնպես հայտնել է մասնակցելու իր մտադրության մասին:
Մալայզիայի վարչապետը գագաթնաժողովին միջազգային գործընկերների ներկայությունը անվանել է «հսկայական ձեռնարկում»։
