Եվրոպայի ամենամեծ՝ Ռոտերդամի նավահանգիստը պատրաստվում է զորավարժություններ անցկացնել ռազմական բեռներ ստանալու համար՝ Ռուսաստանի դեմ ՆԱՏՕ-ի պաշտպանական կարողությունները բարձրացնելու արշավի շրջանակներում, հաղորդում է Financial Times (FT)-ը։
Նավահանգստի կառավարման ընկերության ղեկավար Բոդուեն Սիմոնսը հրատարակությանը հայտնել է, որ Ռոտերդամը համակարգում է Անտվերպենի նավահանգստի հետ ռազմական բեռներ ընդունելու ծրագրերը։
«Ոչ բոլոր նավահանգստային տերմինալներն են հագեցած ռազմական բեռներ ընդունելու համար։ Եթե անհրաժեշտություն լինի մեծ ծավալի ռազմական բեռներ մատակարարել, մենք կդիմենք Անտվերպեն կամ այլ նավահանգիստներ՝ մատակարարումների մի մասը ստանձնելու համար, կամ հակառակը։ Մենք միմյանց ավելի քիչ ենք ընկալում որպես մրցակիցներ։ Եվ, իհարկե, մենք մրցակցում ենք անհրաժեշտության դեպքում, բայց համագործակցում ենք այնտեղ, որտեղ կարող ենք», - ասել է Սիմոնսը։
