Շվեդական Volvo Cars ընկերությունը հայտարարել է, որ կկրճատի 3,000 աշխատատեղ, հիմնականում գրասենյակային աշխատողներից, որպես ծախսերի կրճատման ծրագրի մաս: Ընկերությունն անցած ամիս հայտարարեց, որ կկրճատի ծախսերը մոտ 1,9 միլիարդ դոլարով՝ ի պատասխան էլեկտրական ավտոմեքենաների պահանջարկի անկման և անորոշության, որն առաջացել է առևտրային մաքսատուրքերով:
Կրճատումները կազդեն հիմնականում Շվեդիայի գրասենյակային աշխատակիցների վրա՝ կազմելով գլոբալ գրասենյակային անձնակազմի շուրջ 15%-ը: Volvo-ի ղեկավարությունը հայտարարել է, որ նպատակ ունեն բարելավել դրամական հոսքերը և կառուցվածքային կերպով նվազեցնել ծախսերը՝ շեշտելով ավտոմոբիլային արդյունաբերության դժվարին վիճակըՙ փոխանցում է Reuters-ը:
Միաժամանակ, ԱՄՆ նախագահ Թրամփը սպառնացել է հունիսի 1-ից Եվրամիությունից ներկրվող ապրանքների վրա սահմանել 50% մաքսատուրք, բայց վերջին օրերին այդ ամսաթիվը տեղափոխվել է հուլիսի 9՝ բանակցությունների համար: Volvo-ի ղեկավարությունը նշում է, որ բարձր մաքսատուրքերը կարող են խոչընդոտել որոշ մոդելների, այդ թվում՝ Բելգիայում արտադրվող EX30 էլեկտրական մեքենայի ներմուծմանը ԱՄՆ:
