Սեռական ենթատեքստ չունեցող ֆիզիկական շփումը կարևոր դեր է խաղում զուգընկերների միջև հուզական կապի ամրապնդման գործում, ասում է սեքսոպաթոլոգ և հոգեթերապևտ Վանեսա Մարինը (ԱՄՆ): Hindustan Times-ին տված հարցազրույցում նա ասել է, որ համբույրի օպտիմալ տևողությունը վեց վայրկյան է, իսկ գրկախառնության համար՝ 20-30:
Մասնագետի խոսքով՝ հենց այսքան ժամանակ է անհրաժեշտ օրգանիզմին՝ օքսիտոցին արտադրելու համար։ Այն հորմոն է, որը արտադրվում է հիպոթալամուսում և արյան մեջ արտազատվում մոտակա հիպոֆիզի կողմից։ Օքսիտոցինը պատասխանատու է մտերմության և վստահության զգացողությունների համար։ Հոգեթերապևտը նշեց, որ նման եզրակացություններ են ստացվել զույգերի մասնակցությամբ կլինիկական հետազոտությունների արդյունքում։
Բացի այդ, Մարինը խորհուրդ է տալիս ավելի շատ աչքերի կոնտակտ հաստատել, քանի որ դա մեծացնում է կարևորության և հուզական կապի զգացումը։ Սեքսապաթոլոգը երախտագիտությունը համարում է առողջ հարաբերությունների հիմնական տարր։ Այն զույգերը, որոնց զուգընկերները պարբերաբար գնահատանք են հայտնում միմյանց, հակված են ավելի մեծ երջանկության և բավարարվածության զգացողություններ ունենալ իրենց հարաբերություններում։
Թարգմանությունը՝ Euromedia24.com-ի
