Արցախցի երեխաներին մերժել են վիզա տրամադրել, որ մեկնեն մասնակցելու կարատեի Եվրոպայի առաջնությանը

12.04 19:57 | Կատեգորիա Հասարակություն

Armlur.am-ն ահազանգ է ստացել, որ արցախցի երեխաներին Լիտվայի դեսպանատնից մերժել են վիզա տրամադրել՝ հիմք ընդունելով Արցախի 070 կոդը։

Այս առնչությամբ «Վերադարձ» հասարակական կազմակերպության նախագահ Արմեն Պետրոսյանը մանրամասներ է հայտնել լրատվամիջոցին։

«Մայիսի 1-3-ը նախատեսված է Կիոկուշին կարատեի Եվրոպայի առաջնություն։ Նախնական հայտերը մենք ներկայացրել ենք։ Հայաստանի հավաքականի կազմում 7 արցախցի երեխա կա՝ 5 տղա և 2 աղջիկ։

Նշեմ, որ այս երեխաներն ընդգրվել են Հայաստանի ֆեդերացիայի հավաքականի կազմում միայն Հայաստանի առաջնությունում մրցանակային տեղեր գրավելուց հետո։ Երեխաները սիրով ընդգրկվեցին Հայաստանի ֆեդերացիայի հավաքականի կազմում և այդ կերպ հնարավորություն են ստանում մասնակցելու Եվրոպայի առաջնությանը»,- ասել է մարզիչ Պետրոսյանը։

Նրա խոսքով՝ նախնական հայտից ելնելով, Հայաստանում Լիտվայի դեսպանատունը մերժել է արցախցի երեխաներին՝ նշելով, որ դեսպանատունը չի կարող թույլատրել։

«Լիտվայի դեսպանատունը մերժել է մեզ։ Դեսպանատունը բացատրել է, որ չեն կարող թույլատրել, քանի որ Հայստանի և ԵՄ երկրների միջև պայմանավորվածություն կա կնքված։ Ըստ այդ պայմանավորվածության էլ 070 կոդով անձնագրերի տեր մարդիկ չեն կարող եվրոպական երկրներ այցելել։ Այս ամենից ելնելով՝ դիմել եմ ՀՀ ԱԳՆ։ Իրենք էլ նույն պատասխանն են ասել։ Ինչպես հայտնել են՝ միայն Ֆրանսիան և Գերմանիան հնարավոր է թույլատրեն, մնացած երկրները, հատկապես, Մերձբալթյան երկրները վիզա չեն տրամադրում»,- ասել է մարզիչը։

Արմեն Պետրոսյանը խնդիրն այլ տեղ է տեսնում.

«Այդ նույն երեխաներից ոմանք, նույն 070 կոդով երեխաները Լիսաբոնում մասնակցել են Եվրոպայի առաջնությանը, տարբեր մրցաշարերի ու մրցանակային տեղեր զբաղեցրել։

Ստացվում է, որ ՀՀ իշխանության ձեռքին է ամեն ինչ․ եթե իրենք չդիմեին այդ խնդրով, որ 070 կոդով չպետք է թույլատրել, ապա որևէ խնդիր չէր լինի, քանի որ էլի եմ շեշտում այդ նույն երեխաներից շատերը նույն 070 կոդով գնացել-եկել են եվրոպական քաղաքներ»,- ասել է Արմեն Պետրոսյանը և հավելել,- «Մեր երեխաներին այ էդ ձևով կոտրել են։ Ես էլ կոչ եմ արել ավելի շատ աշխատել, երբեք չկոտրվել, թևաթափ չլինել ու հոգեպես չկոտրվել։

Ապրիլի 27-ին տեղի է ունենալու Կիոկուշին կարատեի Հայաստանի առաջնությունը, որին կ իմ սաները ևս մասնակցելու են՝ իրենց թիկունքում կրելով 070 կոդը՝ ցույց տալու բոլորին, որ, անկախ ամեն ինչից, մենք չենք կոտրվում, շարունակում ենք մեր մարզումները և մեր մտքում պահում այն համոզմունքը, որ մեզ ոչինչ չի կարող կոտրել»։

Ամենաշատ կարդացվածներ

Ով և ինչպես է քանդում առողջապահական համակարգը

11.04 17:00 | Կատեգորիա Քաղաքական

Արամ Ասատրյանի թոռը՝ կրտսեր Արամ Ասատրյանը շքեղ անակնկալ է արել կնոջը (տեսանյութ)

11.04 00:47 | Կատեգորիա Ժամանց

Գնա՛ գրողի ծոցը, պարոն Ալիև, դու ո՞վ ես. գեներալ Նորատ Տեր-Գրիգորյանցը պատասխանում է Բաքվի բռնապետին (տեսանյութ)

11.04 22:30 | Կատեգորիա Քաղաքական

Ուկրաինայում ԱՄՆ դեսպանը լքում է պաշտոնը

10.04 23:18 | Կատեգորիա ԱՄՆ

Երևանում 4-րդ հարկի տանիքի տակ քաղաքացին աշխատանքներ իրականացնելիս ընկել է

10.04 22:59 | Կատեգորիա Պատահարներ

Չափահաս մարդը 16-ամյա աղջկան հերnին հյուրասիրել ու ողջ կյանքը կործանել

10.04 21:43 | Կատեգորիա Հասարակություն

Գոհար Ավետիսյանը բացահայտել է տղամարդուն, ով հանել էր իր մատանին առաջին հանդիպման ժամանակ

11.04 20:00 | Կատեգորիա Ժամանց

Կապանի քաղաքապետ Փարսյանը չի կանգնել Փաշինյանի կողքին (տեսանյութ)

11.04 22:56 | Կատեգորիա Քաղաքական

Անվանվել են կաթնամթերքները, որոնք կարող են վատթարացնել այրոցը

10.04 21:37 | Կատեգորիա Բժշկություն

ՈՒՂԻՂ