Միշել Օբաման արձագանքել է ամուսնալուծության լուրերին:
ԱՄՆ նախկին առաջին տիկին Միշել Օբաման վերջապես խախտել է լռությունը՝ արձագանքելով այն լուրերին, թե ինքը և ամուսինը՝ Բարաք Օբաման, 32 տարվա ամուսնությունից հետո ամուսնալուծվում են։
Work in Progress փոդքասթում Սոֆիա Բուշի հետ զրույցում Միշելն ասել է, որ հոգնել է մարդկանց շտապ եզրակացություններից։ Նա ընդգծել է՝ շատերն չեն պատկերացնում, որ կինն ինքնուրույն կարող է որոշումներ կայացնել։
«Այս տարի մարդիկ անգամ չկարողացան ենթադրել, որ ես պարզապես ընտրություն եմ անում ինձ համար։ Նրանք որոշեցին՝ ուրեմն ամուսնալուծվում ենք։ Չէ՞ որ չի կարող մեծահասակ կինն ուղղակի որոշումներ ընդունել իր կյանքի վերաբերյալ», — ասել է նա։
Նա հավելել է, որ կանայք հաճախ ստիպված են պայքարել ուրիշների սպասելիքների դեմ. «Հասարակությունը մեզ սովորեցնում է համապատասխանել կարծրատիպերին։ Իսկ երբ չենք համապատասխանում, դա ներկայացվում է որպես բացասական»։
Միշելը նաև կիսվել է՝ ինչպես է մտածել սեփական կյանքի նոր փուլը ձևավորելու մասին՝ Սպիտակ տունը լքելուց հետո։ «Եթե ոչ հիմա, ապա երբ։ Ի՞նչ եմ սպասում։ Ինչպե՞ս եմ անցկացնելու առաջիկա 20 տարին», — ասել է նա՝ նշելով, որ եկել է ինքն իրեն առաջնահերթ համարելու ժամանակը։
Իսկ Բարաք Օբաման, ապրիլի 3-ին Համիլթոն քոլեջում կայացած միջոցառման ժամանակ խոստովանել է․ «Ես կնոջս հետ հարաբերությունների որոշակի պակաս ունեի, ու փորձում էի դուրս գալ այդ փոսից՝ երբեմն հետաքրքիր բաներով զբաղվելով»։
