«Փաստ» օրաթերթը գրում է.
Գաղտնիք չէ, որ կոմունիկացիոն խնդիրները, հատկապես ձմռան ամիսներին, խնդիրներ են ստեղծում Հայաստանի բնակիչների համար՝ իրենց առաքանիները ժամանակին ստանալու առումով:
Ըստ այդմ, կարևոր նշանակություն ունի այլընտրանքային առաքումների հանգամանքը, մանավանդ օդային փոխադրումների տարբերակը: Եվ ահա, այսուհետ Հայաստանի բնակիչները ևս կարող են օգտվել արագ և մատչելի առաքումներ ստանալու հնարավորությունից:
Բանն այն է, որ «Ozon Հայաստանը» գործարկել է օդային փոխադրումներով պատվերների առաքման ծառայություն Հայաստանի բնակիչների համար։
«Արագ առաքումն» արդեն հասանելի է երկրի բոլոր գնորդների համար. հաճախորդը կարող է ընտրել այս նոր տարբերակը պատվեր կատարելիս։
Առաքման միջին ժամկետը կազմում է 5 օր, իսկ դրա արժեքը յուրաքանչյուր պատվերի համար հաշվարկվում է անհատապես։
Յուրաքանչյուր ապրանքի առաքման արժեքը կախված է լինելու քաշից և չափսերից ու սկսվում է 117 ՀՀ դրամից։
Առավել լավ պատկերացնելու համար, թե ինչի մասին է խոսքը, նշվում է, որ, օրինակ՝ սմարթֆոնի առաքումը կարժենա միջինում 344 դրամ, իսկ սպորտային կոշիկինը՝ 721 դրամ։
«Արագ առաքումը» գործում է ամբողջ ապրանքային տեսականու համար, բացառությամբ վտանգավոր բեռների (աէրոզոլներ, հեշտ բռնկվող հեղուկներ և այլն), ինչպես նաև ծանր (30 կգ-ից ավելի) և գերծավալային ապրանքների։
«Մեր ստանդարտ առաքման երթուղիներն անցնում են լեռնանցքներով, որոնց վրա հաճախ ազդում են եղանակային պայմանները։ Որպեսզի մեր հաճախորդները կախված չլինեն ճանապարհային իրավիճակից, մենք գործարկում ենք ինքնաթիռով առաքման ծառայություն։
Այս լուծման շնորհիվ մենք կկարողանանք առաքել պատվերները զգալիորեն ավելի արագ՝ անկախ եղանակային պայմաններից», – նշել է Հայկ Կարապետյանը՝ Հայաստանում Ozon-ի ղեկավարը։
Մանրամասները՝ «Փաստ» օրաթերթի այսօրվա համարում
