WhatsApp մեսենջերը ստացել է ևս մեկ նոր գործառույթ, որը թույլ է տալիս թաքցնել խմբային չատերը հետաքրքրասեր աչքերից։ Այն արդեն հասանելի է մեսենջերի բետա տարբերակում Android-ի համար՝ 2.24.11.7 համարի ներքո։ Գործառույթն արդեն փորձարկվում է, և լայն հանրության համար այն հասանելի կդառնա ավելի ուշ։
WhatsApp-ի նորությունների և թարմացումների մեջ մասնագիտացած WABetaInfoհեղինակավոր կայքի համաձայն, «Համայնքներ»-ի (Communities) ադմինիստրատորները չեն կարողանա փոխել խմբի տեսանելիության կարգավորումները այն թաքցնելուց հետո, ինչը չատի բոլոր մասնակիցներին թույլ կտա պահպանել իրենց քննարկումների գաղտնիությունը: «Համայնք»-ի ադմինիստրատորները միայն կկարողանան գտնել և հեռացնել թաքնված խումբը «Համայնքներ»-ի ցանկից, բայց չեն կարող փոխել դրա տեսանելիության կարգավիճակը:
Նոր գործառույթը նաև կկանխի թաքնված խմբային զրույցին միանալու չարտոնված հարցումները:
Այս պահին գործառույթը մշակման և թեստավորման փուլում է, սակայն, ըստ մասնագետների, այն հասանելի կդառնա հավելվածների հաջորդ թարմացումների ժամանակ։
Այս գործառույթը միակը չէ, որ WhatsApp-ի մշակողները փորձարկում են վերջին մի քանի օրվա ընթացքում։ Ավելի վաղ iPhone-ի բետա տարբերակում մի գործառույթ էր հայտնաբերվել, որն արգելում է այլ մարդկանց պրոֆիլի լուսանկարների էկրանակադր անել։ Այս նորամուծությունն ուղղված է նաև մեսենջեր օգտատերերի գաղտնիության և անվտանգության մակարդակի բարձրացմանը։
WhatsApp-ը վերջերս ստացել է ևս երկու նոր գործառույթ, որոնք մեծապես կպարզեցնեն օգտատերերի փոխգործակցությունը «Համայնքներ»-ում: Առաջին նորարարությունը միջոցառումների պլանավորման ինտեգրված գործիքն է, որը թույլ է տալիս «Համայնքներ»-ի անդամներին ստեղծել, հայտարարել և կառավարել իրադարձությունները հենց հավելվածում: Ներդրվել է նաև «Համայնքներ»-ում ադմինիստրատորների հաղորդագրություններին պատասխան շղթաների համակարգ. պատասխանները կկազմակերպվեն այնպես, որ նվազագույնի հասցվի քաոսը չատում:
Մեկ շաբաթ առաջ WhatsApp-ը նաև թողարկել է իր հավելվածի բջջային տարբերակների հիմնական թարմացումը։ Այն տեղադրելուց հետո Android և iOS սարքերի օգտատերերը կկարողանան գնահատել նորացված դիզայնը և միջերեսը, որը կարող է հավելվածի հետ փոխգործակցությունն ավելի հարմարավետ դարձնել։
