Գերմանիայում մեկնարկել են արտահերթ խորհրդարանական ընտրությունները։ Տեղական ժամանակով ժամը 8:00-ին բացվել են ընտրատեղամասերը։ Քվեարկությունը կտևի մինչև ժամը 18:00-ն։
Դրանց արդյունքների հիման վրա կձևավորվի նոր իշխող կոալիցիա, ինչպես նաև կստեղծվի Եվրոպայում ամենամեծ տնտեսություն ունեցող երկրի կառավարությունը։Գերմանիայում արտահերթ ընտրությունները պայմանավորված են քաղաքական ճգնաժամով, որը սկսվեց 2024 թվականի վերջին, երբ ներկայիս կանցլեր և Սոցիալ-դեմոկրատական կուսակցության առաջնորդ Օլաֆ Շոլցի կառավարությունը կորցրեց խորհրդարանի աջակցությունը:
Կոալիցիայի անդամների միջև կոնֆլիկտը սրվեց բյուջեի շուրջ տարաձայնությունների պատճառով, և դրա փլուզումը ի վերջո հանգեցրեց ֆինանսների նախարար և Ազատ դեմոկրատական կուսակցության առաջնորդ Քրիստիան Լինդների հրաժարականին: Դեկտեմբերին Բունդեսթագը անվստահություն հայտնեց Շոլցին, որից հետո խորհրդարանը ցրվեց և նշանակվեցին արտահերթ ընտրություններ։
Արտահերթ ընտրություններից առաջ անցկացված սոցհարցումը ցույց է տալիս, որ ընտրողների 29%-ը պատրաստ է քվեարկել պահպանողական ՔԴՄ/ՔՍՄ դաշինքի օգտին։ Երկրորդ տեղում ծայրահեղ աջ «Այլընտրանք Գերմանիայի համար» (AfD) կուսակցությունն է՝ 20%, իսկ 16%-ը մտադիր է աջակցել Սոցիալ-դեմոկրատներին:Կանցլեր դառնալու ամենամեծ հնարավորություն ունեցող թեկնածուն Ֆրիդրիխ Մերցն է (ՔԴՄ), ով պաշտպանում է խիստ միգրացիոն քաղաքականությունը և առաջարկում է վերադառնալ ատոմային էներգիային՝ էներգետիկ ճգնաժամը լուծելու համար։
Շոլցը դժվար թե վերընտրվի երկրորդ ժամկետով:
