Պետք է վերադառնալ 2020 թվականի նոյեմբերի 9–ի փաստաթղթին, որովհետև այդ փաստաթղթի բազմաթիվ կետեր իրականացված չեն, միայն այդ փաստաթուղթը կարող է հնարավորություն տալ, դրա վրա հիմնվելով, փորձել Արցախի վերադարձի հարցը լուծել։ Այս մասին լրագրողների հետ զրույցում ասաց «Հայաստան» խմբակցության պատգամավոր Սեյրան Օհանյանը։
Նրա խոսքով՝ Սահմանադրության փոփոխությունը թուրք–ադրբեջանական տանդեմի կողմից պարտադրանքի ներքո է իրականացվում։
«Կարծում եմ՝ սահմանադրական փոփոխությունների կարիք չկա։ Ադրբեջանն անընդհատ փորձում է նոր պահանջներ ներկայացնել հայկական կողմին»,– ասաց Օհանյանը։
