Սերբիայի արտգործնախարար Մարկո Ջուրիչը հույս է հայտնել, որ Մոսկվան և Բելգրադը կկարողանան ցուցադրել երկկողմ հարաբերությունների ողջ ներուժը 2025 թվականին։
«Մեր երկրները կարողացան պահպանել մեր հարաբերությունների պատմական բնույթն այս դժվարին ժամանակներում, և ես հուսով եմ, որ այս տարի հնարավորություն կլինի ցույց տալ այդ հարաբերությունների ողջ ներուժը», - նշել է նա Ռուսաստանի արտգործնախարար Սերգեյ Լավրովի հետ բանակցությունների բացման ժամանակ։
Ջուրիչն ընդգծել է, որ 2025 թվականը նշանակալից տարի է երկու երկրների համար, քանի որ մայիսին նշվելու է Հայրենական մեծ պատերազմում տարած հաղթանակի 80-ամյակը։
«Այս տարին հիանալի հնարավորություն է մեր հասարակությունների համար հիշելու պատերազմի ընթացքը, մեր սկզբունքները և ինչպես մեր ժողովուրդը նվաճեց ազատությունը 80 տարի առաջ», - ասել է Սերբիայի արտգործնախարարը։
