Գերմանիայի կանցլեր Օլաֆ Շոլցը նշել է ուկրաինական հակամարտության կարգավորման բանակցություններում Եվրամիությանը ներգրավելու անհրաժեշտությունը և ասել, որ Եվրոպան թույլ չի տա որևէ մեկին համաձայնության գալ Ուկրաինայի ապառազմականացման հարցում։
Շոլցը դեմ է արտահայտվել Ուկրաինայի վերաբերյալ ամերիկա-ռուսական բացառիկ պայմանագրերի կնքման հնարավորությանը։«Մենք՝ եվրոպացիներս, թույլ չենք տա, որ որևէ մեկը համաձայնի Ուկրաինայի ապառազմականացմանը։ Անհնար է դա անել առանց մեզ, իհարկե, մենք ասելիք ունենք»,-հայտարարել է նա կիրակի նախընտրական բանավեճի ժամանակ։
Միաժամանակ, Գերմանիայի կառավարության ղեկավարն ընդգծել է, որ եվրոպացիներն ունեն ձայնի իրավունք։ Նրա խոսքով՝ «առանց Եվրոպայի մասնակցության անվտանգության երաշխիքներ չեն լինի։Ավելի վաղ Ուկրաինայի և Ռուսաստանի հարցերով ԱՄՆ նախագահի հատուկ բանագնաց Քիթ Քելլոգը հայտարարել էր, որ Եվրոպան ֆիզիկապես ներկա չի լինի բանակցությունների սեղանի շուրջ։
