Սրանք տարիներով խոսում էին, որ Սյունիքի «միջանցք» գոյություն չունի, այդպիսի երևույթ չկա, չի կարող լինել, իսկ այսօր բացահայտ խոսում են այն հանձնելու մասին:
Այս մասին այսօր՝ փետրվարի 15-ին, տեսաուղերձի ժամանակ ասաց «Սրբազան պայքար»-ի առաջնորդ Բագրատ արքեպիսկոպոս Գալստանյանը:
«Ոչ մեկին հայտնի չէ, թե ինչ եղանակով են հանձնելու: Նրանք խոսում են ոչ միայն այդ միջանցքի, այլև՝ անկլավների մասին, որի մասին մենք տևական ժամանակ է զգուշացնում ենք:
Այսօր որևէ ձևով այլևս չեն կարողանում թաքցնել այն, որովհետև պարտադրված են այն իրագործել՝ պատված լինելով: Այս մարդիկ դեռ 2020թ-ից էին խոսում այդ մասին:
Մենք, սակայն, իրավունք չունենք դա թույլ տալ, մենք այդ պատճառով ենք ոտքի կանգնել ու դարձյալ պետք է ոտքի կանգնեք, վերացնելու այս չարիքի շղթան»,- ասել է նա:
