Մինսկի կողմից ԱՄՆ քաղաքացուն ազատ արձակելը Վաշինգտոնի նոր վարչակազմի միակ խնդրանքը չէ։ Այս մասին այսօր՝ փետրվարի 13-ին, հայտնել է Բելառուսի նախագահի մամուլի քարտուղար Նատալյա Էյսմոնտը։
Հիշեցնենք, որ հունվարի 26-ին ԱՄՆ պետքարտուղար Մարկո Ռուբիոն հայտարարել էր Բելառուսում ԱՄՆ քաղաքացի Անաստասիա Նուֆերի ազատ արձակման մասին։
Փետրվարի 12-ին Մինսկն ազատ է արձակել ԱՄՆ մեկ այլ քաղաքացու, ում անունը դեռ չի նշվում։
Մինսկը նաև ազատ է արձակել «Ազատություն» ռադիոկայանի լրագրող Անդրեյ Կուզնեչիկին և ընդդիմադիր ակտիվիստ Ելենա Մովշուկին։
