ՆԱՏՕ-ի գլխավոր քարտուղար Մարկ Ռյուտեն ասել է, որ Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի զրույցը «տպավորություն է թողնում», որ Ուկրաինայի հարցով բանակցությունները սկսվել են։
«Սա ակնհայտորեն այնպիսի տպավորություն է ստեղծում, որ դա հաջողված հեռախոսազրույց էր», - ասել է նա՝ պատասխանելով այն հարցին, թե արդյոք Պուտինի և Թրամփի զրույցը կլինի Ուկրաինայի հարցով բանակցային գործընթացի սկիզբը։
Նրա խոսքով՝ անհրաժեշտ է ապահովել Ուկրաինայի ներգրավվածությունն այս գործընթացում, ինչպես նաև ապագա պայմանավորվածությունների ամրությունը։
